PALÙ DEL FERSINA. Va de 25 van schanmikeal 2024 finz as de 24 van schanmikeal 2025 ist de autonome Provinz va Trea’t ist president van ARGE ALP, de òrbetgamoa’schòft van alpine region. Der tema van 2025, as bart kemmen vourstellt van Trentin, bart sai’ de projektn va lem, orbet ont bèrkn van jungen as lem en pernglander. Ont no en doi tema, de provinz ist enviregòngen pet en prais va haier as ist “Junga as de pèrng: projektn va lem, va òrbet, va bèrk”. Der zil ist za gem stimm en de pèrngplatz tschèrlt ver za lem òll to, iberhaup abia as de iberlems de jungen as lem ont òrbetn as de pèrngplatz, gem bèrt en de projektn as leing en earste plòtz ont en an ausòndern, original ont bidernomòchen vurm de òrbetaussicht en de jungen as lem en de alpinelander.
En Argealpprais 2025 meing toalnemmen innrichtn as sai’ en paudorver, as unterstitzn de jungen unternemer en de platz as stea’ aus van stòttn: bèrkn ont start-up as trong vour bèrkprojektn en an ausònder ont original vurm, iberhaup as kearn de jungen, pet en prauch van earstn natural materialn van plòtz; schualn, bou as inntschrim sai’ studentn van viarzen jor envire, as tschbinnen projektn va recycling ont upcycling ver za gem bèrt en de ringbirtschòft ont en biderprauch van earstn natural materialn van plòtz. De enteressiaretn meing vourstelln de projektn finz as de 26 van moi.
Arge Alp ist an òrbetgamoa’schòft as ist kemmen gamòcht en 1972 en Mösern, en Tirol, pet en zil za òrbetn no ont unterstitzn de neat van lait ont van 10 lander as nemmen en toal: Taitschlont pet en Freistaat Bayern, Osterraich pet de Länder Vorarlberg, Tirol ont Salzburg, Balschlont pet de Autonome Provinzn va Poazn ont Trea’t ont de Region Lombardia, de Schbaiz pet de Kantonen Graubünden, St. Gallen ont Ticino. De gamoa’schòft enteressiart ungefer 26 milionen va lait.
Riassunto dell’articolo in lingua italiana:
La Provincia autonoma di Trento, che detiene la presidenza di turno della Comunità di Lavoro, ha scelto il tema portante del Premio Arge Alp 2025: “Giovani in montagna: progetti di vita, di lavoro, di impresa”. Si vuole così dar voce ai luoghi di montagna scelti per la quotidianità, in particolare alle esperienze dei giovani che in montagna continuano a vivere e lavorare, incentivando i progetti che in maniera innovativa, originale e replicabile, cerchino di dare delle risposte e delle prospettive di lavoro alle giovani generazioni dei territori alpini.
L’obiettivo del Premio 2025, dotato di un montepremi complessivo di 10 mila euro, è quello di valorizzare le iniziative di pregio che favoriscono il legame dei giovani delle regioni Arge Alp con il proprio territorio. C’è tempo fino al 26 maggio prossimo per candidare i progetti.
Al Premio Arge Alp 2025 possono partecipare realtà presenti in aree prevalentemente rurali, che favoriscono l’imprenditorialità giovanile nei territori periferici: imprese e start-up che sviluppano progetti d’impresa innovativi e originali, soprattutto rivolti ai giovani, con l’utilizzo di materie prime naturali locali; scuole, con studenti iscritti di età pari o superiore ai 14 anni, che sviluppano progetti di recycling e upcycling per valorizzare l’economia circolare e il riciclo di materie prime naturali locali.
***** l’articolo pubblicato è ritenuto affidabile e di qualità*****
Visita il sito e gli articoli pubblicati cliccando sul seguente link
